|
Poiblíocht / PR
13 Iúil 2006 1pm, Déardaoin
Preas Ráiteas
Seoladh an Chláir Treasteorann
'Fiontraithe le Gaeilge
Seolfaidh an tAire Gnóthaí Pobal, Tuaithe
agus Gaeltachta, Éamon Ó Cuív, TD an
clár 'Fiontraithe le Gaeilge' i bhForas Cultúir
Uladh, Dé hAoine, 12pm, 14 Iúil. Tá
an clár maoinithe ag Interreg 111A (€472,286)
agus á bhainistiú
d'Áisínteacht na gClár Speisialta AE
ag an Pháirtnéireacht ICBAN.
Tá borradh i gcúrsaí fiontraíochta
faoi láthair agus tá an tuiscint ann go bhfuil
fás geilleagrach na tíre seo ag braith ar
chruthaíocht agus ar shamhlaíocht daoine aonaracha
le seirbhísí agus táirgí úrnua
á chur ar fáil.
Tá an fhiontraíocht chomh tábhachtach
céanna do shaol na Gaeilge. Tá deiseanna úrnua
ar fáil na laethe seo i bhfiontraíocht na
Gaeilge agus i ngnóanna teanga-bhunaithe. Tá
slite beatha ar fáil do dhaoine, ar mhaith leo oibriú
i nGaeilge, bíodh sin sa gheilleagar sóisialta
nó i ngnóanna príobháideacha.
Bíonn fiontraithe ar bís le foghlaim i gcónaí
agus tá an Clár Ard-oiliúna d'Fhiontraithe
le Gaeilge, dírithe ar chinntiú go bhfuil
an tacaíocht agus an chomhairle is fearr ar fáil
do na fiontraithe atá rannpháirteach.
Sa tréimhse dhá bhliain romhainn go Samhain
2007, beidh deiseanna oiliúna ar fáil i gcumarsáid,
i bpleanáil airgeadais, i scileanna margaíochta,
nualaíocht sa teicneolaíocht agus i mbainistiú
le meantóireacht den scoth curtha ar fáil.
Beidh Ard-teastas ar fáil ó Líonrá
fríd Institúid Teicneolaíochta Leitir
Ceanainn. Ar chríoch an chláir, beidh deis
ann staidéar breise a dhéanamh i scoil gnó
thar lear.
Seo cúrsa atá deartha agus dírithe
ar riachtanais na dtríocha rannpháirtithe
le cinntiú go sroichfí buaicphointe ina saol
fiontraíochta. Tig leath de na rannpháirtithe
ó cheantair i nGaeltacht Dhún na nGall agus
an chuid eile ón réigiún treasteorann
faoi chúram Interreg.
Tá an clár á bhainistiú ag
Oideas Gael agus ag Forbairt Feirste.
Eolas: Eunan Mac Cuinneagáin, WestBic, Cill Chartha.
074 97 38333 nó ag www.fiontrai.ie
Oideas Gael, Gleann Cholm Cille, Co Dhún na nGall.
Fón: 074 9730248 Oifig.
Forbairt Feirste, Béal Feirste, BT 12 6FB Fón:
028 90438597 Jake
Return to top
| 
